സു ഹൃത്തും ബ്ലോഗറും സിറാജ് പത്രത്തിലെ സബ് എഡിറ്ററുമായ ഹംസ ആലുങ്ങല് നോര്ക്കാ റൂട്ട്സ് ഏര്പ്പെടുത്തിയ 2010ലെ പ്രവാസി മാധ്യമ പുരസ്കാരത്തിന് അര്ഹനായിരിക്കുന്നു. മാനുഷിക പ്രതിബദ്ധതയുള്ള പത്രപ്രവര്ത്തനത്തിന് തുടര്ച്ചയായി ലഭിച്ചു കൊണ്ടിരിക്കുന്ന അംഗീകാരമാണിത്. എടുത്തു പറയാന് അക്കാദമിക യോഗ്യതകളൊന്നുമില്ലാത്ത ഹംസക്കു കിട്ടുന്ന ഏതൊരംഗീകാരവും ഏറെ സന്തോഷം നല്കുന്നതാണ്. 2010 ഒക്ടോബര് 29 മുതല് നവംബര് നാലുവരെ സിറാജ് ദിനപത്രത്തില് പ്രസിദ്ധീകരിച്ച `സ്വപ്ന ഭൂമിയിലെ പുതിയ ചതിക്കുഴികള്` എന്ന പരമ്പരക്കാണ് അവാര്ഡ്. പത്രമാധ്യമ വിഭാഗത്തില് യാസിര് ഫയാസ് മാതൃഭൂമി ദിനപത്രത്തില് പ്രസിദ്ധീകരിച്ച `മരുപ്പച്ച തേടി അക്കരയ്ക്ക് രോഗങ്ങളുമായി ഇക്കരയ്ക്ക്` എന്ന ലേഖന പരമ്പരയും അവാര്ഡിനായി തിരഞ്ഞെടുക്കപ്പെട്ടു. 50,000 രൂപയും പ്രശസ്തിപത്രവും ശില്പവും അടങ്ങുന്നതാണ് ഓരോ അവാര്ഡും. പത്രമാധ്യമ വിഭാഗത്തില് അവാര്ഡ് ലഭിച്ച രണ്ടുപേര്ക്കായി തുക വീതിച്ചു നല്കും.
mukthar udarampoyil's blog