കൈരളി പീപ്പിൾ ചാനലിൽ ആഴ്ചകൾ തോറുമുള്ള കാഴ്ചയാണ് 'ആഴ്ചക്കാഴ്ച'. സംഗതി തെരക്കേടില്ലാത്ത ഒരു പ്രോഗമാണ്. പക്ഷേ ഓരോ ലക്കത്തിലും ഒന്നോ രണ്ടോ ബിക്കിനിക്കാഴ്ചകള് കൂടി ഉള്പ്പെടുത്തിയാലേ അവര്ക്ക് തൃപ്പതിയാവൂ.
കൗതുകവും രസകരവുമായ നല്ല ചില കാഴ്ചകള്ക്കിടയില് ഒരിത്തിരി എരിവും പുളിയും.. സൗന്ദര്യ മല്സരം, ഫാഷന് ഷോ എന്നൊക്കെപ്പറഞ്ഞ് ഓരോ ലക്കത്തിലും നാല് പെണ്ണുങ്ങളുടെ കുന്നും മലയും കാണിച്ചാലേ സംഗതി ജോറാവൂ.
ഇന്നലെ ഈ 'ആഴ്ചക്കാഴ്ച'യില് ഒരു അടിവസ്ത്രക്കാഴ്ചയും മറ്റൊരു ബിക്കിനിക്കാഴ്ചയും കണ്ട് രോമാഞ്ചകഞ്ചുകിതനായിപ്പോയി, ഞാനും. ഹാ!
ഒന്ന് പുതിയ അടിവസ്ത്ര ഡിസൈനിങ്ങിന്റെ വൈവിധ്യങ്ങളുമായി നടന്ന ഒരു ഫാഷന് ഷോ. മറ്റൊന്ന് ബിക്കിനി സൗന്ദര്യ മല്സരക്കാഴ്ച. പടച്ചോനെ അതെന്ത് കുന്തമെന്ന് ബേജാറാവണ്ട. ബിക്കിനി മാത്രമിട്ട പെണ്ണുങ്ങള്ക്കു വേണ്ടിയുള്ള സൗന്ദര്യ(?) മല്സരം. ഒന്നും പറയണ്ട, കലക്കന് കാഴ്ചകള്.
കൈരളിയുടെ 'വി' ചാനലിലുമുണ്ട് ഒരു നെറികെട്ട പരിപാടി. വാലന്റൈന്സ് കോര്ണര് എന്നോ മറ്റോ ആണ് ആ അമ്മായിക്കളിയുടെ പേര്. പ്രേമമാണ് വിഷയം. ഉളുപ്പില്ലാത്ത ഒരാണ് കോന്തനും ഒരു പെണ് കോന്തത്തിയും.. പിന്നെ ഒരു കാമുക- കാമുകീ ഹൃദയമുള്ള ഗസ്റ്റും.. പ്രണയം തേങ്ങയാണ് മാങ്ങയാണ് ചക്കക്കുരുവാണ്.. ഒലക്കന്റെ മൂട്!
We Channel- The Young Channel എന്നാണ് , അപ്പോ അങ്ങനെയൊക്കെ ആവണം.
കൈരളിയിലെ നല്ല ഒരു പരിപാടിയായ 'മൈന്റ് വാച്ചില്' ഒരിക്കല് ആത്മഹത്യകള് റിപ്പോര്ട്ടു ചെയ്യുമ്പോള് മാധ്യമങ്ങള് പുലര്ത്തേണ്ട ജാഗ്രതയെക്കുറിച്ചൊരു ചര്ച്ച കണ്ടിരുന്നു. ഇന്ന് മാധ്യമങ്ങളില് കാണുന്ന ആത്മഹത്യാ റിപ്പോര്ട്ടുകള് ആത്മഹത്യകള്ക്ക് പ്രചോദനമാന്നതര്ത്തിലുള്ളതാണെന്ന ആശങ്കയാണ് ചര്ച്ചയില് ഉയര്ന്നു വന്നത്.
ഇപ്പോള് 'പീപ്പിളും' 'വി'യും കാണിച്ചു കൊണ്ടിരിക്കുന്ന നെറികേടുകള് സമൂഹത്തില്, പ്രത്യേകിച്ച് യുവാക്കള്ക്കും യുവതികള്ക്കും കുട്ടികള്ക്കുമിടയില് ഏതൊക്കെത്തരത്തില് സ്വാദീനിക്കുമെന്നതിനെക്കുറിച്ചുള്ള ആശങ്കകള് കൂടി മൈന്റ് വാച്ചില് ഒരു ചര്ച്ചയാവാം.
അതുമല്ലെങ്കില് ആലം ദുനിയാവിലുള്ള ചാനലുകളില് വരുന്ന മുഴുവന് പ്രോഗ്രാമുകളുടെയും അപനിര്മിതി നടത്തിക്കൊണ്ടിരിക്കുന്ന 'അഴിച്ചു പണിക്കാരനും' ഈ പരിപാടികളെ ഒന്ന് വിശകലനം ചെയ്യാം. അതെങ്ങിനെ സ്വന്തം മുഖത്തിന്റെ വൈകൃതം കാണാന് വല്ലപ്പോഴും ഒന്ന് കണ്ണാടി നോക്കണ്ടേ. കണ്ണാടി നോക്കുന്ന പരിപാടി പണ്ടേ ഞമ്മക്കില്ലല്ലോ.
അതു കൊണ്ടാണല്ലോ 'അഴിച്ചു പണി' എന്ന പ്രോഗ്രാം മാര്ക്സിസ്റ്റ് പാര്ട്ടിയില് നടക്കുന്ന സൈദ്ധാന്തിക സംവാദങ്ങളെക്കാള് വലിയ ഹാസ്യമായി മാറുന്നത്.
കൈരളി ചാനല് പുതിയ ഒന്നു രണ്ടു ചാനലുകള് കൂടി ഏറെ വൈകാതെ തുടങ്ങുമെന്ന് മമ്മുക്കയോ ബ്രിട്ടാസോ, ആരാണ്ടൊക്കെ പറയുന്നതു കേട്ടിരുന്നു. നല്ലത്. അതില് ഒന്ന് ഒരു 'എ' ചാനലാക്കി ഇത്തരം അശ്ലീല പരിപാടികള് മുഴുവന് അങ്ങോട്ടു മാറ്റിയാല് കെട്ട്യേളും കുട്ട്യാളുമൊത്തിരുന്ന് മറ്റു ചാനലുകള് വല്ലപ്പോഴുമൊക്കെ ഒന്ന് കാണാമായിരുന്നു. അതാവും കൈരളിക്കും പ്രേക്ഷകര്ക്കും നല്ലത്.
മുന്നറിയിപ്പ്: വി ചാനല് (കുടുംബത്തിന്റെ)ആരോഗ്യത്തിന് ഹാനികരം, ഇടക്കൊക്കെ പീപ്പിളും. എന്തൊക്കെ സംഭവിച്ചാലും 'അഴിച്ചുപണി' എന്ന പരിപാടി മുടങ്ങാതെ കാണുക.
ഇങ്കുലാബ് സിന്ദാബാദ്!
- കൂട്ടിവായിക്കുക
.
മുന്നറിയിപ്പ്: വി ചാനല് (കുടുംബത്തിന്റെ)ആരോഗ്യത്തിന് ഹാനികരം, ഇടക്കൊക്കെ പീപ്പിളും. എന്തൊക്കെ സംഭവിച്ചാലും 'അഴിച്ചുപണി' എന്ന പരിപാടി മുടങ്ങാതെ കാണുക.
ReplyDeleteവിപ്ലവം ബിക്കിനി വഴി!
ReplyDeleteഇതിന്റെ കാര്യത്തില് എല്ലാ ചാനല്സ് പിറകോട്ടു അല്ല ..പേരില് മാത്രം ആണ് മാറ്റം ..........
ReplyDeleteram channel swbhavangale ellam thoortheriyan nammude payaya vasgodagamma kal kuthiya nattil ninnum malayali prakshakarkkai thani nadan mappila channel
ReplyDeleteippole avre prolsahippikkoooo
http://www.darshanatv.org/contactus.php
സ്വത്വരാഷ്ട്രീയത്തിൽ വർഗ്ഗസമരത്തെ വർണ്ണസമരംകൊണ്ട് നേരിടുന്നത് അശാസ്ത്രീയമാണെന്ന വാദഗതികളെ ദുർഗ്രാഹ്യമാക്കുന്ന ബൂർഷ്വാചിന്താഗതികളുടെ ഉപരിവിപ്ലവകരമായ മുല്യച്യുതികൾ സാമാന്യവൽക്കരണം കൊണ്ട് നേരിടുന്നതിനെ എതിർക്കുന്നവർ സ്വത്ത് രാഷ്ട്രീയത്തിൽ ബിക്കിനിയിട്ട സുന്ദരിമാരെ കണ്ടാനന്ദിക്കുക.
ReplyDelete@ മുക്താര് ഭായ്
ReplyDeleteപാണ്ടി ലോറി ഓടിക്കുന്നവന് മൂട്ട വണ്ടി ഓടിക്കുന്ന കാര്യം ഓര്ത്തപ്പോള് കൈ വിറക്കുന്നു എന്നു പറഞ്ഞ പോലെയാണ് ഭായ് മലയാളം ബ്ലോഗ് ഹെല്പില് ഇട്ട കമന്റ് . ഈ ടെമ്പ്ലേറ്റ് മനുഷ്യനെ ചുറ്റിക്കുന്ന ടെമ്പ്ലേറ്റ് ആണ് . എന്നിട്ടും എങ്ങനെ ഒപ്പിച്ചു ഇത്ര ഭംഗിയായി :) ആദ്യത്തെ അഭിനന്ദനം അതിനു തന്നെ ആകട്ടെ .
പിന്നെ അഴിച്ചു പണിക്കാരന്റെ കാര്യം , അത് പറഞ്ഞപ്പോള് എനിക്ക് ഓര്മ്മ വന്നത് ഒരു സംഭവമാണ് .
ഏഷ്യനെറ്റില് വാര്ത്തകള്ക്കിടയില് ചില സ്ഥാപനങ്ങള് ഉദ്ഘാടനം ചെയ്യപ്പെടുമ്പോള് ആ വാര്ത്ത ഒരു പരസ്യം പോലെ പറയുമായിരുന്നു .
എന്നാല് പരസ്യമല്ലതാനും . (വമ്പിച്ച ആദായ വില്പന എന്നൊക്കെ വാര്ത്ത വായിക്കുന്ന ആള് വിളിച്ചു പറയും )
ഇതിനെ അഴിച്ചുപണിക്കാരന് കണക്കിന് കളിയാക്കി , ഒന്നുകില് പരസ്യം അല്ലെങ്കില് വാര്ത്ത എന്നാണ് അദ്ധേഹത്തിന്റെ പക്ഷം .
പേറെടുക്കാന് പോയവള് ഇരട്ട പെറ്റു എന്നു കേട്ടിട്ടേയുള്ളൂ .
രണ്ടു ദിവസം കഴിഞ്ഞപ്പോള് കൈരളി വാര്ത്തക്കിടയില് ഇതേ സംഭവം .വാര്തയുമല്ല പരസ്യവുമല്ല .
അഴിച്ചു പണിക്കാരന്റെ പൊടീ പോലുമില്ല കണ്ടുപിടിക്കാന് .......
>>> അതില് ഒന്ന് ഒരു 'എ' ചാനലാക്കി ഇത്തരം അശ്ലീല പരിപാടികള് മുഴുവന് അങ്ങോട്ടു മാറ്റിയാല്<<<
ReplyDeleteആ എ ചാന്നല് വരുമ്പോ ഫ്രീക്വന്സി ഒന്ന് മെയില് ചയ്യണേ.. ട്യൂണ് ചെയ്യാനലാ സത്യം... :)
ഇതും ഒരുതരത്തില് സ്വത്വ രാഷ്ട്രീയമാണ്!
ReplyDeleteപക്ഷെ ഇകാര്യത്തില് നമ്മുടെ മറ്റു ചാനലുകളും മോശമല്ല, പല പേരില് പല പ്രോഗ്രമുകളിലായി കാണിക്കുന്നു.എന്ന് മാത്രം.
>>> അതില് ഒന്ന് ഒരു 'എ' ചാനലാക്കി ഇത്തരം അശ്ലീല പരിപാടികള് മുഴുവന് അങ്ങോട്ടു മാറ്റിയാല്<<<
ReplyDeleteനടക്കുമോ വെറുതെ ആളെ കൊതിപ്പിക്കല്ലെ ..! അല്ലങ്കിലും ഈ സൌദി അറേബ്യയില് മറ്റ് “എ”ചാനലുകള് എല്ലാം ബ്ലോക്കായത് കാരണം ആകെ കണ്ടിരുന്നത് ഈ വീ ടി.വിയും മറ്റുമാ പഹയാ നീ അത് ഇനി പറഞ്ഞ് പറഞ്ഞ് കാണാന് പറ്റാത്ത കോലത്തിലാക്കികളാ എന്നാ നിനക്ക് സമാധാനം ആവുമല്ലോ..! അല്ല ഈ “അഴിച്ചു പണി” എന്നു പറഞ്ഞാല് സത്യത്തില് എന്താ അര്ത്ഥം? അല്ല "ഗുണമുള്ള" പരിപാടി ആണങ്കില് കാണാന് വേണ്ടിയാ.. അല്ലാതെ ഒന്നിനുമല്ല.!
A ചാനല് ഉണ്ടാകുമോ .....പ്രതീക്ഷിക്കാം ...കാത്തിരിക്കുന്നു
ReplyDeleteഎന്നെ സംബന്ധിച്ചിടത്തോളം ഇതെനിക്ക് ഒരു പ്രശ്നമല്ല. കാരണം ഞാന് കുറച്ചു കാലമായി ടീവി കാണാറില്ല. അതിനാല് അല്പം സമയലാഭം ഉണ്ട്, മനസമാധാനവും..
ReplyDelete(ഇതില് അലിയുടെ കമന്റ് വായിച്ചപ്പം എന്റെ ഉള്ള ബോധവും പോയി)
ഹംസാക്കാ.
ReplyDeleteഅഴിച്ചുപണി എന്നു വെച്ചാൽ നിങ്ങളുദ്ദേശിച്ചതൊന്നും അഴിച്ചുള്ള പണിയല്ല. അതു കാണാൻ പുതിയ ചാനൽ തന്നെ വരണം!
പോസ്റ്റ് പൂർണ്ണമല്ല...
ReplyDeleteസമയംകൂടി എഴുതണമായിരുന്നു...
എഷ്യനെറ്റിലെ കൌതുക ലോകവും ഏതാണ്ടിങ്ങനെയൊക്കെ തന്നെ. ആള്ക്കാര് പ്രത്യേകിച്ച് സ്ത്രീകള് എവിടെയെങ്കിലും നഗ്നത പ്രദര്ശിപ്പിച്ചാല് ഏഷ്യാനെറ്റിന് അത് വളരെ കൌതുകമുള്ളതാണ്.
ReplyDelete‘കൌതുകം‘ ചെലവാകണമെങ്കില്, അതിന് കുറച്ച് ഒരു ഇതൊക്കെ വേണ്ടേ :)
>>> വാലന്റൈന്സ് കോര്ണര് എന്നോ മറ്റോ ആണ് ആ അമ്മായിക്കളിയുടെ പേര്. പ്രേമമാണ് വിഷയം. ഉളുപ്പില്ലാത്ത ഒരാണ് കോന്തനും ഒരു പെണ് കോന്തത്തിയും..
ReplyDelete<<<<
ഹൊ .. അതി ഭീകരമാണു ആ രണ്ടെണ്ണത്തിണ്റ്റെയും ഈര്ക്കിലുകളി .. കുരങ്ങന് കപ്പലണ്ടി തിന്നുന്നതു പോലെ മൂക്കെലിപ്പിച്ച് അവണ്റ്റെ ഇരുപ്പ് കണ്ടാല് അപ്പീ.. കലിപ്പ് തീരില്ല ... മനസ്സിലെ കാരുണ്യമെല്ലാം വറ്റിപ്പോകും...
"ഒരു ജനതയുടെ ആത്മാവിഷ്കാരം" പോലും !!!
വിപ്ലവത്തിന്റെ പുതിയ കാഴ്ചകള്..കൊള്ളാം...
ReplyDeleteഇതുമൊരു പരസ്യമായി. ഞാന് ടി.വി കാണാറില്ല.
ReplyDeleteകൈരളി വി ചാനലിലെ ‘വാലന്റയിന്സ് കോര്ണര്’ എന്ന പരിപാടിക്ക് ‘കക്കൂസക്കുഴി’ എന്ന പേരിടുന്നതായിരിക്കും ഉചിതം.
ReplyDeleteകൈരളിയിലെ തന്നെ കാമ്പസ് കോര്ണര്(?) വി ചാനലിലെ പല പരിപാടികളും ചാനലിന്റെ കാഴ്ചപ്പാടൂകള്ക്കും മുദ്രാവാക്യങ്ങള്ക്കും നേര് വിരുദ്ധമാണെന്നതാണ് ഏറെ രസകരം.
എന്തായാലും ഇതൊക്കെ ‘ഒരു ജനതയുടെ ആത്മ സാക്ഷാത്കാരം’ അല്ലെ ;) :) സമ്മതിക്കണം
ഞാനിതിനോട് യോജിക്കുന്നില്ല, ദിനേനെ ടെലിവിഷൻ കാണുന്ന വ്യക്തിയാണു ഞാൻ.., ബിക്കിനിക്കാഴ്ചകളും മറ്റ് സഭ്യേതരമല്ലാത്ത കാഴ്ചകളും കൈരളി ചാനലിൽ മാത്രമാണുള്ളത് എന്ന് എനിക്ക് തോന്നുന്നില്ല, എല്ലാ ചാനലുകളിലും തരം കിട്ടുമ്പോഴൊക്കെ പല പല പേരുകളിൽ ഇത്തരം കാഴ്ചകൾ സമ്പ്രേഷണം ചെയ്യപ്പെടുന്നുണ്ട്.,
ReplyDeleteസഞ്ചാരം പ്രോഗ്രാമിൽ പേരിനു മാത്രം വസ്ത്രം ധരിച്ച് നടക്കുന്ന മദാമ്മമാരെ ചുറ്റിപ്പറ്റി സന്തോഷ് ജോർജ്ജ് കുളങ്ങരയുടെ ക്യാമറ ചുറ്റിപ്പറ്റി നടക്കുന്നത് കാണുന്നില്ലേ ..,ഐഡിയ സ്റ്റാർ സിംഗറ് പോലോത്ത ഷോകളിൽ അവതാരികമാരുടെ വേഷഭൂഷാദികൾ കാണുന്നില്ലേ..,കൌതുക വാർത്തകൾ എല്ലാ ചാനലിലും ഉണ്ട്, പേരിൽ മാത്രമേ വ്യത്യാസമുള്ളൂ.. , സംഗതി എല്ലാം ഒന്ന് തന്നെ.,
മറ്റുള്ളവയെ അപേക്ഷിച്ച് നോക്കുമ്പോൾ കൈരളി എത്രയോ ഭേദം..
പിന്നെ അഴിച്ച് പണിയുടെ കാര്യം.., അത്തരം ഒരു പ്രോഗ്രാം ഉള്ളത് നല്ലത് തന്നെ എന്ന് വിശ്വസിക്കുന്ന ഒരാളാണു ഞാൻ., വാക്കുകൾ വളച്ചൊടിച്ചും ഇല്ലാത്ത വാർത്തകൾ പടച്ചുണ്ടാക്കിയും വിടുന്ന കുത്തക മാധ്യമങ്ങളുടെ യഥാർത്ഥ മുഖം തിരിച്ചറിയാൻ ഇത് പോലുള്ള പ്രോഗ്രാമുകൾ കൂടിയേ തീരൂ..,
(കണ്ണു തുറന്നു കാണുക, ഏതെങ്കിലും മുൻ ധാരണവെച്ച് ഒന്നിനെയും അളക്കാതിരിക്കുക, എല്ലാ ഭാവുകങ്ങളും നേരുന്നു.,)
എന്റെ ഉള്ളം കൈ ചൊറിയുന്നു
ReplyDeleteനാക്കു തരിക്കുന്നു
ത്പും....ത്പും.....ത്പും....
പിന്നെ ഈ 'വി' എന്നതിന് വൃത്തികേട് എന്നും മുഴു രൂപം പറയാം
അപ്പൊ വി ചാനല് ന്നൂ ചാ......
പ്രിയ കമ്പർ,
ReplyDeleteതാങ്ങളുടെ അഭിപ്രായത്തോട് വിയോജിക്കുന്നില്ല. പക്ഷേ, ഏഷ്യാനെറ്റിലും മനോരമയിലും അമൃതയിലുമൊക്കെ വരുന്നപോലല്ല കൈരളിയിൽ വരുന്നത്. മനോരമ പത്രത്തിലും മാതൃഭൂമി പത്രത്തിലും വരുന്ന പോലല്ല, ദേശാഭിമാനിയിലും മാധ്യമത്തിലും വര്ത്തമാനത്തിലുമൊക്കെ വരുന്നത്. ഇവക്കു പിന്നില് പ്രവര്ത്തിക്കുന്നവരൊക്കെ ചില മൂല്യങ്ങള് ഉയര്ത്തിപ്പിടിക്കുന്നവരാണ്. അവരൊക്കെ ചില ആദര്ശത്തിന്റെയും ആശയങ്ങളുടെയും വക്താക്കളാണ്. അതു കൊണ്ടു തന്നെ മറ്റുള്ളവയേക്കാള് ഭേതം എന്ന ന്യായീകരണം ശരിയല്ല.
വേറൊരു ചാനലല്ല, വേറിട്ടൊരു ചാനലാണ്.
അപ്പൊ ആ വ്യതിരിക്തത കാണേണ്ടതുണ്ട്..
പിന്നെ 'അഴിച്ചുപണി' മോശപ്പെട്ട ഒരു പ്രോഗ്രാമെന്ന് ഞാന് പറഞ്ഞില്ല. അതു നല്ല പ്രോഗ്രാം തന്നെ. ആ 'അഴിച്ചുപണി'യില് എന്തു കൊണ്ട് ഈ വൃത്തികേടുകള് വിഷയമാവുന്നില്ല എന്നേ ചോദിച്ചുള്ളൂ. കൈരളിയില് വന്നു കൊണ്ടിരിക്കുന്ന ലോട്ടറിപ്പരസ്യങ്ങള് പോട്ടെ 'വി'യില് വന്നു കൊണ്ടിരിക്കുന്ന 'ഏലസ്സ്' പരസ്യങ്ങളെയും ഈ നിലക്ക് ന്യായീകരിക്കാനാവുമോ.
അന്ധവിശ്വാസങ്ങള്ക്കും അനാചാരങ്ങള്ക്കുമെതിരെ പടപൊരുതുന്ന ഒരു പ്രസ്ഥാനമാണത്രെ കൈരളി ചാനല് നടത്തുന്നത്. അന്ധവിശ്വാസങ്ങളുടെ പൊള്ളത്തരങ്ങള് തുറന്നു കാട്ടുന്ന പരിപാടികളും ഒപ്പം ഇത്തരം രക്ഷാകവച പരസ്യങ്ങളും കൊടുക്കുന്നതിന്റെ വൈരുധ്യമാണ് പറയുന്നത്. മൂല്യങ്ങളെയും ധര്മങ്ങളെയും കുറിച്ച് വലിയ വായില് സംസാരിച്ചിട്ടു കാര്യമില്ല. ബദലുകള് സൃഷ്ടിച്ച് മാതൃകയാവുകയാണ് വേണ്ടത്. 'അഴിച്ചുപണി'യോടുള്ള വിയോജിപ്പ് അവിടെ മാത്രമാണ്. അഴിച്ചു പണിക്കാരന് മറ്റു ചാനലുകളിലേക്ക് തിരിച്ചു വെച്ച കണ്ണുകള് വല്ലപ്പോഴും ഇരിക്കുന്ന സീറ്റിനു ചുറ്റുവട്ടത്തേക്കുമൊന്ന് തിരിക്കുന്നത് നല്ലതാണെന്നേ പറഞ്ഞുള്ളൂ..
അതെ, കണ്ണു തുറന്നു കാണുക.
മുഖ്താറെ,
ReplyDeleteചാനല് കൈരളി ആയതുകൊണ്ട് ശത്രുപക്ഷത്ത് പ്രതിഷ്ഠിക്കുന്നത് മനസ്സിലാക്കുന്നു. ഞാന് സാധാരണയായി ഒരു മലയാളം ചാനലും കാണാറില്ല, ന്യൂസ് ഒഴികെ, കാരണം എല്ലാം ഒരമ്മ പെറ്റ മക്കള് ആയതുകൊണ്ടാണ്. കൈരളി ചാനലിന്, പ്രത്യേകിച്ച് വി, മത്സരത്തില് നിന്നും പുറത്ത് പോകാതിരിക്കാന് ആവശ്യമായ മിനിമം പ്രോഗ്രാംസ് കാണിക്കാനുള്ള സ്വാതന്ത്ര്യം നിങ്ങള് കൊടുത്തില്ലെങ്കില് അത് പൂട്ടിപ്പോവില്ലെ?
മാര്ക്സിസ്റ്റ് പാര്ട്ടിയുമായി ഏതെങ്കിലും തരത്തില് ബന്ധപ്പെട്ട സംഗതികള്ക്കെല്ലാം നിലവാരം കൂടിയേ കഴിയൂ, കണ്ടു നില്ക്കുന്നവര്ക്കാണ് വിഷമം ഏറെ.നൂറില് ബാക്കിയുള്ള 99ഉം എന്തു ചെയ്താലും പ്രശ്നവുമില്ല .
അതൊക്കെ പോകട്ടെ, ബിക്കിനി ഇട്ടു നില്ക്കുന്ന പടം കണ്ടാല് ഉടന് വീണുടഞ്ഞുപോകുന്ന സദാചാരം അങ്ങ് പോകട്ടെന്നെ..
കൈരളി വരുന്നതിനു മുന്പ് മാറ്റ് ചാനലുകള് പറഞ്ഞിരുന്നത് വെള്ളം തൊടാതെ വിഴുങ്ങിയിരുന്നത് വിശ്വസിച്ചിരുന്ന ജനങ്ങള് ഇപ്പോള് ഏതാണ്ടൊക്കെ മനസ്സിലാക്കുന്നു എന്ന് വരുമ്പോഴുള്ള കെറുവ് മനസ്സിലാക്കാവുന്നതേ ഉള്ളു.
ReplyDeleteപള്ളിക്കല്ലറയില് നിന്ന് പ്രേതം എഴുന്നേറ്റ് വന്ന് നാട്ടുകാരെ പേടിപ്പിക്കുന്ന സംഭവകഥ പറഞ്ഞത്തിന്റെ പോള്ളത്തരത്തിനെതിരെ ഒരു ടീവിക്കെതിരെ നാട്ടുകാര് നടത്തിയ പ്രധിഷേധം ഈ കഴിഞ്ഞ ദിവസമാണ് നമ്മള് കണ്ടത്...!
അഴിച്ചുപണി കാണുന്നത് കൊണ്ട് കുറെ കാര്യങ്ങളുടെ സത്യങ്ങള് കാണാനാകും. മറ്റുള്ളവര്ക്കും ഇതുപോലെ കാണിക്കാമല്ലോ? അതെന്താ അവര് ചെയ്യാത്തത്?
വിചാനാലും പീപ്പിളും ആരോഗ്യത്തിനു ഹാനികരം എന്ന് പറയുമ്പോള് മറ്റൊന്നും കാണാത്ത ഒരു വ്യക്തിയാണ് ഇതെഴുതിയത് എന്ന് വിശ്വസിക്കണോ?
കണ്ണടച്ചാല് ഇരുട്ടാകില്ല.
This comment has been removed by the author.
ReplyDelete<>
ReplyDeleteപള്ളിയിലെ മുസ്ലാരു കുട്ടി സിനിമക്കോ സർക്കസിനോ പോയാൽ അത് "ഭയങ്കരതെറ്റ്," നാടന്മാരാരെങ്കിലും പോയാൽ "അത് പിന്നെ കുട്ട്യോളല്ലേ അങ്ങനെയൊക്കെയുണ്ടാവും അത് കാര്യമാക്കണ്ട". ഇമ്മാതിരി ലൈനിലുള്ള പ്രാധാന്യമേ ഈ വാക്കുകൾക്കുള്ളൂ..
കൈരളി ചാനലുകളിൽ വരുന്ന എല്ലാ പ്രോഗ്രാമുകളും പാർട്ടി നേത്രത്വമോ പ്രവർത്തകരോ ആണു നിയന്ത്രിക്കുന്നത് എന്ന് എനിക്ക് തോന്നുന്നില്ല.,അങ്ങനെയല്ലാത്തൊരു അവസ്ത്ഥയിൽ പാർട്ടിയെയും പാർട്ടി ആദർശത്തെയും ക്രൂശിക്കുന്നതിൽ എന്തർത്ഥം..
ചാനൽ പ്രളയത്തിൽ നിലനില്പിനായുള്ള മത്സരം മുറുകുമ്പോൾ ചില വിട്ട് വീഴ്ചകൾ റിപ്പോർട്ടർമാരുടെ അടുത്ത് നിന്നോ അവതാരകരുടെ അടുത്ത് നിന്നോ സംഭവിച്ച് പോയാൽ അത് പാർട്ടിയുടെ തെറ്റാകുന്നതെങ്ങനെ..?
പിന്നെ അഴിച്ചു പണി..
സ്വന്തം ചാനലിൽ നടക്കുന്ന നെറികേടുകൾ തുറന്ന് കാട്ടാൻ മറ്റ് ചാനലുകളിലെ സമാന ശൈലിയിലുള്ള പ്രോഗ്രാമുകൾ തയ്യാറാകാത്തിടത്തോളം കാലം കൈരളി ചാനലിലെ അഴിച്ച് പണി മാത്രം സ്വന്തം ചാനലിലെ വ്രത്തികേടൂകൾ തുറന്ന് കാണിക്കണം എന്ന് നമുക്ക് വാശി പിടിക്കാമോ..?
അല്ലെങ്കിൽ തന്നെ നമ്മുടെ ഇച്ഛക്കനുസരിച്ച് മാത്രമേ പരിപാടീകൾ കാണിക്കാവൂ എന്ന് പറയുന്നതിലും നല്ലത് നമുക്ക് ഇഷ്ടമുള്ളതേ കാണൂ എന്ന് നമ്മൾ തന്നെ തീരുമാനിക്കുന്നതല്ലേ.,!
സോറി ..ഇത്രയും എഴുതേണ്ടി വന്നതിൽ., ഒരു തർക്കവിതർക്കത്തിനു വേണ്ടിയല്ല,അറിയാവുന്നത് പറഞ്ഞു , അത്രമാത്രം.. നന്മ നേരുന്നു..,
(വാർത്തകൾ വ്യക്തമായും ശരിയായതും അറിയാൻ ഏതെങ്കിലുമൊരു ചാനലിനെ മാത്രം ആശ്രയിക്കാതെ എല്ലാ ചാനലുകളും കാണാൻ ശ്രമിക്കുക, എന്നിട്ട് അവയെ തമ്മിൽ താരത മ്യം ചെയ്യുക.., അപ്പോൾ കിട്ടും ശരിയേത്, തെറ്റേത് .എന്ന്, എന്റെ രീതി ഇതാണു, താല്പര്യമുണ്ടെങ്കിൽ പരീക്ഷിക്കാം..)
സ്വന്തം മുഖത്തിന്റെ വൈകൃതം കാണാന് വല്ലപ്പോഴും ഒന്ന് കണ്ണാടി നോക്കണ്ടേ. കണ്ണാടി നോക്കുന്ന പരിപാടി പണ്ടേ ഞമ്മക്കില്ലല്ലോ.
ReplyDeleteപ്രിയ സുഹൃത്ത് അനില്@ബ്ലോഗ് ,
ReplyDeleteനന്ദി. വരവിന്, വായനക്ക്, പറച്ചിലുകള്ക്ക്..
>ചാനല് കൈരളി ആയതുകൊണ്ട് ശത്രുപക്ഷത്ത് പ്രതിഷ്ഠിക്കുന്നത് മനസ്സിലാക്കുന്നു. <<
അതെങ്ങനെ മനസ്സിലാക്കി. ഹ ഹ.. അങ്ങനെ എനിക്കു ഒരുശത്രു കൂടി ആയി, കൈരളി ചാനല്!
>> കൈരളി ചാനലിന്, പ്രത്യേകിച്ച് വി, മത്സരത്തില് നിന്നും പുറത്ത് പോകാതിരിക്കാന് ആവശ്യമായ മിനിമം പ്രോഗ്രാംസ് കാണിക്കാനുള്ള സ്വാതന്ത്ര്യം നിങ്ങള് കൊടുത്തില്ലെങ്കില് അത് പൂട്ടിപ്പോവില്ലെ? <<
അതെ, അതുകൊണ്ട് ഒന്നും മിണ്ടുന്നില്ല. പക്ഷേ അതു മറ്റുചാനലുകള്ക്കു കൂടി ബാധകമാവണ്ടെ. അഴിച്ചുപണിക്കാരന്റെ പ്രസംഗം കേട്ടാല് അതങ്ങനെയല്ലല്ലോ..
>> മാര്ക്സിസ്റ്റ് പാര്ട്ടിയുമായി ഏതെങ്കിലും തരത്തില് ബന്ധപ്പെട്ട സംഗതികള്ക്കെല്ലാം നിലവാരം കൂടിയേ കഴിയൂ, കണ്ടു നില്ക്കുന്നവര്ക്കാണ് വിഷമം ഏറെ.നൂറില് ബാക്കിയുള്ള 99ഉം എന്തു ചെയ്താലും പ്രശ്നവുമില്ല . <<
അതങ്ങനെത്തന്നെയാണ്. കാരണം മൂല്യങ്ങളെക്കുറിച്ചും ധര്മത്തെക്കുറിച്ചും വലിയവായില് സംസാരിക്കുകയും മറ്റുള്ളവരുടെ ചെറിയ തെറ്റുകള് പോലും ഭീകരമായിക്കാണുകയും 'ശക്തമായി പ്രതികരിക്കുകയും' ചെയ്യുന്ന ഒരു പാര്ട്ടിയാണത്. അഴിച്ചുപണിയുടെ ഓരോ ലക്കവും മാധ്യമ ധര്മവും മാധ്യമ സദാചാരവുമാണ് മറ്റു മാധ്യമങ്ങളെ പഠിപ്പിച്ചു കൊണ്ടിരിക്കുന്നത്. അതുകൊണ്ടാണ് ഇതൊന്നും ഞമ്മക്ക് ബാധകമല്ലേ എന്നു ചോദിച്ചു പോകുന്നത്.
>> അതൊക്കെ പോകട്ടെ, ബിക്കിനി ഇട്ടു നില്ക്കുന്ന പടം കണ്ടാല് ഉടന് വീണുടഞ്ഞുപോകുന്ന സദാചാരം അങ്ങ് പോകട്ടെന്നെ.. <<
ഹ ഹാ. അങ്ങനെ പറ. അതാണു ശരി. അല്ല പിന്നെ!.
പ്രിയ സുഹൃത്ത് പട്ടേപ്പാടം റാംജി,
ReplyDeleteനന്ദി, വരവിന്, വായനക്ക്, തുറന്നു പറച്ചിലുകള്ക്ക്..
>> കൈരളി വരുന്നതിനു മുന്പ് മാറ്റ് ചാനലുകള് പറഞ്ഞിരുന്നത് വെള്ളം തൊടാതെ വിഴുങ്ങിയിരുന്നത് വിശ്വസിച്ചിരുന്ന ജനങ്ങള് ഇപ്പോള് ഏതാണ്ടൊക്കെ മനസ്സിലാക്കുന്നു എന്ന് വരുമ്പോഴുള്ള കെറുവ് മനസ്സിലാക്കാവുന്നതേ ഉള്ളു. <<
താങ്കള് മനസ്സിലാക്കിയ കെറുവ് എന്താണെന്നു മനസ്സിലായില്ല. കൈരളിയുടെ നല്ല വശങ്ങള് മറച്ചു പിടിക്കുന്നില്ല. വാര്ത്തകളില് പലപ്പോഴും മാന്യമായ സമീപനം കണ്ടിട്ടുണ്ട്. പ്രത്യേകിച്ച് ലൗ ജിഹാദ് പോലുള്ള വിഷയങ്ങളില് കൈരളിയുടെ സമീപനം ആശ്വാസപരമായിരുന്നു. ഞാന് കൈരളി ചാനലിനെ അടച്ചാക്ഷേപിക്കുയല്ല ചെയ്തിട്ടുള്ളത്.
>> പള്ളിക്കല്ലറയില് നിന്ന് പ്രേതം എഴുന്നേറ്റ് വന്ന് നാട്ടുകാരെ പേടിപ്പിക്കുന്ന സംഭവകഥ പറഞ്ഞത്തിന്റെ പോള്ളത്തരത്തിനെതിരെ ഒരു ടീവിക്കെതിരെ നാട്ടുകാര് നടത്തിയ പ്രധിഷേധം ഈ കഴിഞ്ഞ ദിവസമാണ് നമ്മള് കണ്ടത്...! <<
ഇതു എനിക്കറിയില്ല. അങ്ങനെയാണ് സത്യമെങ്കില് ഞാന് പ്രതിഷേധക്കാരോട് വിയോജിക്കുകയും ചാനലുകാരനെ സപ്പോര്ട്ട് ചെയ്യുകയും ചെയ്യുന്നു. പള്ളിക്കല്ലറയില് നിന്നല്ല ഏതു കല്ലറയില് നിന്നും പ്രേതം എഴുന്നേറ്റു വരില്ല. അതു പെരും നുണയാണ്.
>> അഴിച്ചുപണി കാണുന്നത് കൊണ്ട് കുറെ കാര്യങ്ങളുടെ സത്യങ്ങള് കാണാനാകും. മറ്റുള്ളവര്ക്കും ഇതുപോലെ കാണിക്കാമല്ലോ? അതെന്താ അവര് ചെയ്യാത്തത്? <<
ഞാന് 'അഴിച്ചുപണി' എന്ന പരിപാടിയെ മോശമായിക്കാണുന്നില്ല. നല്ല പ്രോഗ്രാമാണ്. ഞാന് മുടങ്ങാതെ കാണാറുള്ള പ്രോഗ്രാമാണ്. ഞാനതല്ല പറഞ്ഞത്, മറ്റുള്ള ചാനലിലെ കുറ്റങ്ങള് തെരഞ്ഞു നടക്കുന്നതിനിടക്ക് വല്ലപ്പോഴും സ്വന്തം തട്ടകത്തിലും മാറാല കേറുന്നത് വല്ലപ്പോഴും ഒന്ന് നോക്കുന്നത് നല്ലതാണെന്നാണ്. സ്വന്തം തെറ്റുകളെ മൂടി വെച്ച് അന്യന്റെ തെറ്റുകള്ക്കെതിരെ പ്രതികരിക്കുന്നതിലെ നിരര്ഥതയാണ് ഞാന് പറഞ്ഞത്. രണ്ടു കാലിലും മന്തുള്ളവന് ഒറ്റക്കാലില് മന്തുള്ളവനെ മന്താ എന്നു വിളിക്കുന്ന ഏര്പ്പാടാകരുതല്ലോ അഴിച്ചുപണി.
>> വിചാനാലും പീപ്പിളും ആരോഗ്യത്തിനു ഹാനികരം എന്ന് പറയുമ്പോള് മറ്റൊന്നും കാണാത്ത ഒരു വ്യക്തിയാണ് ഇതെഴുതിയത് എന്ന് വിശ്വസിക്കണോ? <<
വിശ്വസിച്ചോളൂ.
അവിടെ കുടുംബത്തിന്റെ എന്നു ബ്രാക്കറ്റിട്ടു നല്കിയതു കൂടെ വായിക്കുക. ടി വി സമൂഹത്തില് പ്രത്യേകിച്ച് കുട്ടികള്ക്കിടയില് നടത്തിക്കൊണ്ടിരിക്കുന്ന സാംസ്കാരിക(അസാംസ്കാരിക) അധിനിവേഷത്തിന്റെ അനുഭവങ്ങള് കണ്ടു കൊണ്ടിരിക്കുന്ന ഒരു രക്ഷിതാവിന്റെ ആശങ്കയാണത്.
അതെ, കണ്ണടച്ചാല് ഇരുട്ടാകില്ല.
എന്താണ് സാര് ..........
ReplyDeleteഇങ്ങനെ പറഞ്ഞു തുടങ്ങിയാല് പലതുംപരയെണ്ടി വരില്ലേ?
പ്രിയ സുഹൃത്ത് കമ്പർ,
ReplyDeleteനന്ദി. വീണ്ടും വന്നതിന്, തുറന്നു പറച്ചിലുകള്ക്ക്..
>> പള്ളിയിലെ മുസ്ലാരു കുട്ടി സിനിമക്കോ സർക്കസിനോ പോയാൽ അത് "ഭയങ്കരതെറ്റ്," നാടന്മാരാരെങ്കിലും പോയാൽ "അത് പിന്നെ കുട്ട്യോളല്ലേ അങ്ങനെയൊക്കെയുണ്ടാവും അത് കാര്യമാക്കണ്ട". ഇമ്മാതിരി ലൈനിലുള്ള പ്രാധാന്യമേ ഈ വാക്കുകൾക്കുള്ളൂ.. <<
ഹ ഹാ.
മുസ്ല്യാരുട്ടി സിനിമക്കു പോകുന്നതും നാടന്കുട്ടി സിനിമക്കു പോകുന്നതും ഒരു പോലല്ല. മുസ്ല്യാരുട്ടി സിനിമ കാണല് ഹറാമാണെന്ന് പറഞ്ഞു നടക്കുന്ന കാലത്തോളം. മറ്റുള്ളവരോട് സിനിമ കാണരുത് എന്നുപദേശിക്കുന്നിടത്തോളം കാലം. ഇനി പള്ളിയിലെ മോല്യാരാണ് സിനിമക്കു പോവുന്നതെങ്കില് അത് അതിനേക്കാള് ഗൗരവം തന്നെ. അയാള് സിനിമ ഹറാമാണ് കാണരുത് എന്ന വാദക്കാരനാണെങ്കില്... ഇനി ഇവര്ക്ക് സിനിമ കണ്ടെ തീരൂ എന്നുണ്ടെങ്കില് അത് ഹലാലാക്കണം.
>> കൈരളി ചാനലുകളിൽ വരുന്ന എല്ലാ പ്രോഗ്രാമുകളും പാർട്ടി നേത്രത്വമോ പ്രവർത്തകരോ ആണു നിയന്ത്രിക്കുന്നത് എന്ന് എനിക്ക് തോന്നുന്നില്ല.,അങ്ങനെയല്ലാത്തൊരു അവസ്ത്ഥയിൽ പാർട്ടിയെയും പാർട്ടി ആദർശത്തെയും ക്രൂശിക്കുന്നതിൽ എന്തർത്ഥം.. <<
എനിക്കും അങ്ങനെ തോന്നുന്നില്ല. പക്ഷേ കൈരളി ഒരു പാര്ട്ടി ചാനലായിരിക്കുന്നിടത്തോളം കാലം കൈരളിയും ദേശാഭിമാനിയും ചര്ച്ചയാവുമ്പോള് അവിടെ പാര്ട്ടി കയറി വരും. ചന്ദ്രിക ചര്ച്ച ചെയ്യുമ്പോല് ലീഗു കയറി വരും. വീക്ഷണവും ജയ് ഹിന്ദും ചര്ച്ചയാവുമ്പോള് കോണ്ഗ്രസ്സു കയറി വരും. അഴിച്ചുപണി കാണാറില്ലെ.
>> ചാനൽ പ്രളയത്തിൽ നിലനില്പിനായുള്ള മത്സരം മുറുകുമ്പോൾ ചില വിട്ട് വീഴ്ചകൾ റിപ്പോർട്ടർമാരുടെ അടുത്ത് നിന്നോ അവതാരകരുടെ അടുത്ത് നിന്നോ സംഭവിച്ച് പോയാൽ അത് പാർട്ടിയുടെ തെറ്റാകുന്നതെങ്ങനെ..? <<
അതെ, ഈ വിട്ടു വീഴ്ചകളാണ് മറ്റു മാധ്യമങ്ങള് കാലാകാലങ്ങളഅയി ചെയ്തു കൊണ്ടിരിക്കുന്നത്. പിന്നെ എന്തിന് വേറിട്ടൊരു ചാനല്, വേറെ ഒരു ചാനല് മതിയായിരുന്നല്ലോ..
>> പിന്നെ അഴിച്ചു പണി..
സ്വന്തം ചാനലിൽ നടക്കുന്ന നെറികേടുകൾ തുറന്ന് കാട്ടാൻ മറ്റ് ചാനലുകളിലെ സമാന ശൈലിയിലുള്ള പ്രോഗ്രാമുകൾ തയ്യാറാകാത്തിടത്തോളം കാലം കൈരളി ചാനലിലെ അഴിച്ച് പണി മാത്രം സ്വന്തം ചാനലിലെ വ്രത്തികേടൂകൾ തുറന്ന് കാണിക്കണം എന്ന് നമുക്ക് വാശി പിടിക്കാമോ..? <<
തല്ലണ്ടമ്മാവാ ഞാന് നന്നാവില്ല. ആത്മവിമര്ശനവും തെറ്റു തിരുത്തലുമൊന്നും ഞമ്മക്ക് പറഞ്ഞിട്ടുള്ളതല്ല. ഞങ്ങള് പറയും നിങ്ങള് കേള്ക്കുക. ഞങ്ങള്ക്കെതിരെ ആരെങ്കിലും ശബ്ദിച്ചാല് അവര് മൂരാച്ചികളാണ്. പിന്തിരിപ്പന്മാരാണ്. തീവ്രവാദികളാണ്. മാവോയിസ്റ്റുകളാണ്.
>> അല്ലെങ്കിൽ തന്നെ നമ്മുടെ ഇച്ഛക്കനുസരിച്ച് മാത്രമേ പരിപാടീകൾ കാണിക്കാവൂ എന്ന് പറയുന്നതിലും നല്ലത് നമുക്ക് ഇഷ്ടമുള്ളതേ കാണൂ എന്ന് നമ്മൾ തന്നെ തീരുമാനിക്കുന്നതല്ലേ.,! <<
അതെ അതു തന്നെയാണ് നല്ലത്.
>> (വാർത്തകൾ വ്യക്തമായും ശരിയായതും അറിയാൻ ഏതെങ്കിലുമൊരു ചാനലിനെ മാത്രം ആശ്രയിക്കാതെ എല്ലാ ചാനലുകളും കാണാൻ ശ്രമിക്കുക, എന്നിട്ട് അവയെ തമ്മിൽ താരത മ്യം ചെയ്യുക.., അപ്പോൾ കിട്ടും ശരിയേത്, തെറ്റേത് .എന്ന്, എന്റെ രീതി ഇതാണു, താല്പര്യമുണ്ടെങ്കിൽ പരീക്ഷിക്കാം..) <<
ഞാന് പൂര്ണമായി യോജിക്കുന്നു. പക്ഷേ, ഞാന് വാര്ത്തയുടെ കാര്യം മിണ്ടിയിട്ടില്ല. 'ആഴ്ചക്കാഴ്ച' എന്ന പരിപാടിയില് പുട്ടില് തേങ്ങയിടുന്ന പോലെ കാണിക്കുന്ന സ്ത്രീകളുടെ മൂടും മുലയും മാന്യമെന്ന് ആളുകള് വിശ്വസിക്കുകയും കുടുംബമൊന്നിച്ചിരുന്ന് കാണുകയും ചെയ്യുന്ന ഒരു ചാനലില് വരരുതായിരുന്നു എന്നും വി ചാനലില് 'വാലന്റൈന്സ് കോര്ണര്' കാണുമ്പോള് ഓക്കാനം വരുന്നു എന്നുമാണ്. പോസ്റ്റിന്റെ മര്മത്തോടുള്ള പ്രതികരണമാണ് ഉണ്ടാവേണ്ടിയിരുന്നത്..
ഏതായാലും മുക്തരിനു ഒത്തിരി നന്ദി ,
ReplyDeleteഇന്നലെ രാത്രി ഞാന് വി ടിവി തുറന്നപ്പോള് ഞാന് ആ പരിപാടി കണ്ടു ഏതെന്നോ നമ്മുടെ വലെന്റെന്സ് കോര്ണര് എനിക്ക് മനസിലാകുന്നില്ല എന്താണ് ആ പരിപാടിക്ക് ഒരു കുഴപ്പം,
നിശകലങ്ങമായ അല്ലെങ്കില് പവിത്രമായ സ്നേഹത്തെ ലോകത്തിന് മത്ര്കയക്കാവുന്ന പ്രേമത്തെ ജനഗള്ക്ക് മുന്പില് വിളിച്ചു പറയുന്നതാണോ തെറ്റ് ,
ഇഏ ബ്ലോഗ് എയ്തിയ ആളും അല്ലെങ്കില് ഇത്തരം ആശയങ്ങളെ പ്രോത്സാഹിപ്പിക്കുന്നവ്രും എനിക്ക് തോന്നുന്നു യാഥാസ്ഥിക ചിന്ടഗടി ക്കാരന് എന്ന്
മുന്പ് ഇന്റര്നെറ്റ് അല്ലെങ്കില് നൂതന ആശയങ്ങള് ലോകത്ത് വരുമ്പോള് ഇത്തരക്കാരുടെ എതിര്പ്പ് സ്ഥിരംയി കണ്ട നമുക്ക് ഇതും ആ ഗാനത്തിലെ പെടുത്താന് കഴ്ഹിയോഒ
ഇനി കൌമാരത്തിന്റെ വളര്ച്ചയില് ഇതൊരു മനുഷ്യ ജീവിക്കും തന്റെ എതിര്ളിന്കത്തില് പെട്ട ജീവിയോടു തോന്നുന്ന ഒരു ആകര്ഷണം അത് എത്ര മനോഹരം ആന്നു അത് അനുഭവിച്ചലെ അറിയൂ എന്റെ മുകതരെ അതിനാല് കൌമാരം അസോടിക്കുന്നവരെയും അസോടിക്കാന് കൂട്ട് നില്ക്കുന്നവരെയും അതിനെ പ്രോത്സാഹിപ്പിക്കുന്നവരെയും വെറുതെ വിട്ടോഒദേഏ,
തങ്ങളെ പോലുള്ളവര്ക്ക് അസോടിക്കാന് കയ്യതത് കാരണം ഞങ്ങളെ പോലുല്ലവ്രോടെ കുതിര കേറണോ?
മാര്ക്സിസ്റ്റ് പാര്ട്ടിയുമായി ഏതെങ്കിലും തരത്തില് ബന്ധപ്പെട്ട സംഗതികള്ക്കെല്ലാം നിലവാരം കൂടിയേ കഴിയൂ, കണ്ടു നില്ക്കുന്നവര്ക്കാണ് വിഷമം ഏറെ.നൂറില് ബാക്കിയുള്ള 99ഉം എന്തു ചെയ്താലും പ്രശ്നവുമില്ല .
ReplyDeleteകണ്ടു നില്ക്കുന്ന ഒരു മാർക്സിസ്റ്റ് അനുഭാവി അങ്ങനെ ചിന്തിച്ചാൽ അത് തെറ്റാവുമോ?
അനിലിന്റെ ഉത്തരം അറിഞ്ഞിട്ട് വേണം എനിക്കൊന്നു വിഷമിക്കാൻ :)
കൈരളി സ്വന്തമായി ഒരു അഴിച്ചുപണി നടത്തേണ്ട സമയം അതിക്രമിച്ചിരിക്കുന്നു ......... അതെങ്ങനെ ഉസ്താദ് കിടന്നു പാത്തിയാല് അതെങ്ങനെ ഉസ്താദ് കിടന്നു പാത്തിയാല് നോ പ്രോബ്ലം
ReplyDeleteകുട്ടിയോള്
നിന്ന് പാത്തിയാല് പ്രോബ്ലം
കൈരളി സ്വന്തമായി ഒരു അഴിച്ചുപണി നടത്തേണ്ട സമയം അതിക്രമിച്ചിരിക്കുന്നു ......... അതെങ്ങനെ ഉസ്താദ് കിടന്നു പാത്തിയാല് നോ പ്രോബ്ലം
ReplyDeleteകുട്ടിയോള്
നിന്ന് പാത്തിയാല് പ്രോബ്ലം
ഏതൊരു ചാനലും സത്യം ഉയ്ര്ത്തി പിടിച്ചു മുന്നേറിയതായി കണ്ടിട്ടില്ല ... എല്ലാത്തിലും നല്ലതും ചീത്തയും കാണില്ലെ? .. ഇതൊക്കെ പറയുകയാണെങ്കിലും ഞാൻ ടി.വി കാണാറില്ല കേട്ടോ ... ഇതു ആകെ മൊത്തം വായിച്ചപ്പോൽ എനിക്കു തോന്നിയത് ഉർവ്വശീ ശാപം ഉപകാരപ്രദം എന്ന വാചകമാ പോരായ്മ പറഞ്ഞ് അതൊരു പരസ്യമായതു പോലെ..
ReplyDeleteഅവര്ക്കൊക്കെ എന്തുമാവാലോ..
ReplyDeleteനല്ല മാർഗം............
ReplyDeleteനല്ല വഴി.........
നല്ല ലക്ഷ്യം..........
നല്ലത് വരട്ടെ.......
ആശംസകൾ..............
ചാനലുകള് ഉണ്ടാക്കുന്ന ദുരാചാരങ്ങള് സാംസ്കാരിക ക്രൈമുകള്ക്ക് കാരണമാവാറുണ്ട്.
ReplyDeleteഅത്തരത്തില് ഒരു ക്രൈം.. ഈ ക്രൈം കാണൂ .....
I'am not a TV adict. ha..ha..haaa..
ReplyDelete:0
ReplyDeleteno one forcing you to watch those shows..if you dont like it, switch off it... you enjoyed watching it and no need to complain buddy.. there are people like those shows :)
ReplyDeleteif you want the shows just like in saudi, may be you should move over there :)
bikini channel is not the problem, the people who watch this shows without a control is the problem :)
റേഡിയോ ആയിരുന്നു മെച്ചം; ‘സൂക്ഷ്മത പാലിക്കാന് അതാ എളുപ്പം. അന്യ പുരുഷ-സ്ത്രീ ശബ്ദങ്ങള് പരസ്പരം കേള്പിക്കുന്നത് ഹാനികരമാവോ ?
ReplyDeleteകുന്നും മലയും കാണിക്കുന്ന ഒരാഭാസമിവിടെ
ReplyDeletelalsalam sakave.....
ReplyDeletelalsalam.
aryada kolayali kalikavin kallarayil nhagale nethavundankil orothullichorakkum pakaram nhangal chodikkum...
ReplyDeletekalikavinte kallarayil sakavu kunhaliye adakkiyirangiya sakakkal vilicha mudravakyamanath. avar pinne athe aryadane sthanarthiyakki, kunhaliyude vidhavayode aryadanu vottucheyyan avyashyappettu...kalikavil ninnum kozhikkottekku olichodan preppichath, ea otta nadapadiyanu... avarude pinmurakkaril ninne ithalla ithilappuram undayalum athbudhappedanilla... lalsalam sakave lal salam
മുക്തര്, ഞാനും എന്റെ പ്രതിഷേധം രേഘപെടുത്തുന്നു! എന്നിരുന്നാലും ആ പരുപാടിയുടെ സമയം ഒന്ന് പറഞ്ഞിരുന്നേല് കണ്ടു ചുമ്മാ പുച്ഛം ഇടാമായിരുന്നു,
ReplyDeleteഒഴാക്കാശംസകള്!
WATCH "AZHICHUPAN" In Kairali People, Every Saturday 7.30pm
ReplyDeleteKairaliyil Bickiny Show Undaakarund, but ASIANET'ley Paripaadiyil Full Naked Albudangal kaanikkarund...
ReplyDeleteu exposed something. beyond my thinking, more than what i expected
ReplyDeleteu exposed something. beyond my thinking, more than what i expected
ReplyDeleteഹൈ. മസാല ഇലല്യാതെ ഇക്കാലത്ത് കാണാനാളെ കിട്ടൂല കോയ.
ReplyDeleteകൈരളി ചാനല് പുതിയ ഒന്നു രണ്ടു ചാനലുകള് കൂടി ഏറെ വൈകാതെ തുടങ്ങുമെന്ന് മമ്മുക്കയോ ബ്രിട്ടാസോ, ആരാണ്ടൊക്കെ പറയുന്നതു കേട്ടിരുന്നു. നല്ലത്. അതില് ഒന്ന് ഒരു 'എ' ചാനലാക്കി ഇത്തരം അശ്ലീല പരിപാടികള് മുഴുവന് അങ്ങോട്ടു മാറ്റിയാല് കെട്ട്യേളും കുട്ട്യാളുമൊത്തിരുന്ന് മറ്റു ചാനലുകള് വല്ലപ്പോഴുമൊക്കെ ഒന്ന് കാണാമായിരുന്നു. അതാവും കൈരളിക്കും പ്രേക്ഷകര്ക്കും നല്ലത്.
ReplyDeleteഅഭിപ്രായത്തോട് യോജിക്കുന്നു ..!!
പക്ഷെ ഇതൊന്നും കാണാന് ഞമ്മക്ക്
നേരം കിട്ടാറില്ല ..
മുടങ്ങാതെ കാണുന്നത് ന്യൂസ് മാത്രം ..!!
very good
ReplyDelete