Skip to main content

ബിയറുണ്ടോ സഖാവേ ഗ്ലാസെടുക്കാന്‍...





കേന്ദ്രബജറ്റ് കലകലക്കന്‍..
കേരള ബജറ്റോ...
ആളുകള്‍ പറയണ് പച്ചയെന്നും ചോപ്പെന്നുമൊക്കെ..

ആ എന്തായിക്കോട്ടെ,
ബിയറിനോട് ഞമ്മളെ സര്‍ക്കറിനിത്തിരി മുഹബ്ബത്തുണ്ടെന്ന് ബജറ്റ് പറയണുണ്ട്..
ബിയറിന്റെ നികുതി കുറച്ച് കച്ചോടം തകര്‍ക്കാനുള്ള അവസരം...
ഭക്ഷണ സാധനങ്ങളുടേ പെരുംവില കൊണ്ട് പൊള്ളി വയറെരിഞ്ഞിരിക്കുമ്പോള്‍ ഒരിറ്റ് ബിയര്‍ നുണഞ്ഞെങ്കിലും... അല്പം ആശ്വസിക്കാലോ.. അല്ലേ...

വിവരമുള്ളോര് പറയണ്, മുഴുക്കുടിയനാവാനുള്ള ആദ്യ ഘട്ടമാണത്രെ ബിയറടി..
ബിയറടിച്ച് ബിയറടിച്ച്... ന്റെ കിങ് ഫിഷര്‍ പുണ്യാളാ...

അതും പോരാഞ്ഞിതാ മദ്യക്കോളയും...
മദ്യക്കോളയുമടിച്ച് ക്ലാസിലിരിക്കുന്ന നമ്മുടെ കുട്ടികള്‍...
അധ്യാപകരെ ജാഗ്രതൈ!
കുട്ടികള്‍ പേന്റുരിഞ്ഞു കാണിക്കാതിരിക്കാന്‍ മുട്ടിപ്പായി പ്രാര്‍ഥിച്ചോണ്‍റ്റിരിക്ക!

അതൊന്നുമല്ല പ്രശ്‌നം..
ചില അസൂയാലുക്കള്‍ പറയാ, സര്‍ക്കാറിന്റെ ഈ ബിയര്‍ മുഹബ്ബത്തിന്റെ ഗുട്ടന്‍സ്...
നായനാര്‍ ഫുട്ബോള്‍ സ്പോണ്‍സര്‍ ചെയ്തതിനുള്ള ഉപകാരസ്‌മരണയാണെന്നൊക്കെ...
ആ ആര്‍ക്കറിയാം..
അതെന്തേലുമാകട്ട്...

ബിയര്‍ കമ്പനിക്കും സര്‍ക്കാറിനും( സോറി, ഭരണപ്പാര്‍ട്ടിക്കും) ഗുണമുണ്ടോന്ന് നോക്കിയാ മതി. അല്ല പിന്നെ, ഹാ...

എന്താടോ കണ്ണും മിഴിച്ചിരിക്കണത്.... ഒഴി സഖാവേ ഒരു ലാര്‍ജ്!
.

Comments

  1. മിനറല്‍ വാട്ടറിനേക്കാള്‍ വില കുറയോ...

    ReplyDelete
  2. @ കൂതറHashimܓ ,

    പാവം കൂ തറേ..
    സാധ്യതയുണ്ട്...
    ഇനി
    ഇത്തിരി അടിച്ച്
    കിനാവു കാണാലോ..
    കിനാവിനൊക്കെ ഒരിങ്രിതം കിട്ടട്ടെ..
    അല്ല പിന്നെ..

    ആദ്യ കമന്റിനു നന്‍‌ട്രി..
    രൊംബ നന്‍‌ട്രി...

    ReplyDelete
  3. vila kurajathukonde namuku kudikyam

    ReplyDelete
  4. “അതും പോരാഞ്ഞിതാ മദ്യക്കോളയും...
    മദ്യക്കോളയുമടിച്ച് ക്ലാസിലിരിക്കുന്ന നമ്മുടെ കുട്ടികള്‍...
    അധ്യാപകരെ ജാഗ്രതൈ“

    നല്ല രസാവും! മാഷന്മാര്‍ ,ശിഷ്യഗണങ്ങളേ നിങ്ങളൊന്നും
    ലഹരിപ്പെടല്ലേ എന്ന് ഉപ്ദേശിക്കുന്നേരം അന്ന് ശിഷ്യ ഉവാച
    ഇങ്ങിനെയാവും: ഇല്ല്യ സാഴേ ഞാഴന്‍,കുഴാച്ച്..കുഴ്ഴ്ചു....ഴാഴ്..ഴ്..ഓഴ്കേ...സാഴേ..

    ReplyDelete
  5. നല്ല ചൂടല്ലെ ബിയര്‍ അടിച്ചു തണുപ്പിക്കട്ടെ കേരളം ഇനി മുലപ്പാലിനു പകരം ബിയര്‍ കൊടുക്കുന്ന കാലം വരും .അപ്പോഴും നമുക്ക് പോസ്റ്റും അഭിപ്രായവുമൊക്കയായി സംഗതി കൊഴുപ്പിക്കാം .

    ReplyDelete
  6. @ snehitha,
    അതെ..
    നമുക്കും ബിയറടിച്ചു തുടങ്ങാം..
    നന്ദി.
    വന്നതിന്ന്..

    @ ഒരു നുറുങ്ങ് ,
    അതെ,
    സംഗതി ജോറാകും...
    ഇല്ല്യ സാഴേ ഞാഴന്‍,കുഴാച്ച്..കുഴ്ഴ്ചു....ഴാഴ്..ഴ്..ഓഴ്കേ...സാഴേ..
    ഹ് ഹ് ഹാ...
    നന്ദി, വന്നതിന്ന്..

    @ഹംസ,
    അതെ തണുക്കട്ടെ..
    ആ കാത്തിരിക്കാം.. അതും വിദൂരമല്ല..
    നന്ദി, വന്നതിന്ന്..

    വന്നിട്ട് മിണ്ടാതെ പോയവര്‍ക്കും
    നന്ദിണ്ട്ട്ടോ...

    ReplyDelete
  7. വന്നിട്ട് മിണ്ടാതെ പോയവര്‍ക്ക് ബിയറുണ്ടോ?
    ബിയറുണ്ടെങ്കില്‍ അടുത്ത പ്രാവശ്യം മിണ്ടാതെ പോകാനാ.... :-)

    ReplyDelete
  8. "കേരള ബജറ്റോ...
    ആളുകള്‍ പറയണ് പച്ചയെന്നും ചോപ്പെന്നുമൊക്കെ.."


    ഞാൻ നോക്കിയിട്ട്‌ പച്ചകണ്ടില്ല.

    കർഷകന്‌ എന്ത്‌ കിട്ടി, ഉള്ള യൂറിയ മറിച്ച്‌ വിറ്റു.

    ReplyDelete
  9. hahaha... every form of liquor available in kerala...mallya can make and sell it no problem.. only natural made toddy the farmer cant tap it... where is the peoples govt????

    ReplyDelete
  10. ഇനിപ്പൊ പുത്യാപ്ല തക്കാരത്തിനും നിക്കാഹിനുമൊക്കെ ഞമ്മക്ക് ബിരിയാണിന്റെ കൂടെ ബിയര്‍ വെളമ്പാലൊ....

    ഈ ഭായിനെ കൊണ്ട്.....

    ReplyDelete
  11. വഴിവാണിഭക്കാരായ ചില ഇളനീര്‍ കച്ചവടക്കാര്‍ പോലും ലഹരി കലര്‍ത്തിയ ഇളനീര്‍ വിതരണം ചെയ്യുന്നു എന്ന വാര്‍ത്ത കേട്ട് കാണും.
    ധൈര്യമായി കടകളില്‍ നിന്ന് ഒന്നും വാങ്ങി കഴിക്കാന്‍ പറ്റാത്ത കേരളം! ധൈര്യമായി ടോയിലെറ്റില്‍ പോയി കാര്യം സാധിക്കാന്‍ പറ്റാത്ത കേരളം! ദൈവം തന്ന സുബോധം സ്വയം നശിപ്പിച്ചു നടക്കുന്ന ആളുകള്‍ ലോകത്തേറ്റവും കൂടുതല്‍ ഉള്ള കേരളം! രാവിലെ വീട്ടില്‍ നിന്നിറങ്ങിയാല്‍ തിരിച്ചെത്തുമ്പോള്‍ തല ഉടലില്‍ തന്നെ കാണും എന്ന് ഒരു ഉറപ്പും തരാന്‍ കഴിയാത്ത കേരളം! നമുക്കഭിമാനിക്കാം ....
    ഒരു ജനതയ്ക്ക് അര്‍ഹിക്കുന്ന ഭാരണാധികാരികളെയെ ലഭിക്കൂ എന്ന് പഴമൊഴി...
    ഇടതായാലും വലതായാലും ഇക്കാര്യത്തില്‍ ഒറ്റക്കെട്ട് - മദ്യത്തിന്റെ കാര്യത്തില്‍.
    അടിക്കുമൊരു കൈ , അണക്കുമൊരു കൈ
    (ഈ വിഷയത്തില്‍ എന്റെ പോസ്റ്റ്‌)

    ഇവിടെ അമര്‍ത്തുക

    ReplyDelete
  12. ഭാരതമെന്ന് കേട്ടാൽ അപമാന പൂരിതമകണമന്തരംഗം.ം ം ം
    കേരളമെന്ന് കേട്ടാലോ തിളക്കണം ബിയർ നമുക്ക് നരമ്പുകളിൽ ൽ ൽ ൽ
    ഒഴി മോനേ..ഒരു ലാർജ്

    ദൈവത്തിന്റെ സ്വന്തം നാടിനി എന്താകുമോ..എന്തോ...?

    ReplyDelete
  13. കേരളത്തില്‍ രണ്ട് കാര്യത്തിനാണ്‍ അപാരമായ തിരക്ക് കാണുന്നത് .ഒന്ന് ബിവറെജസിന്റെ മുന്നിലും മറ്റൊന്ന് മൊബൈല്‍ റീചാര്‍ജ്ജിങ്ങിനും.... രണ്ടും ഒരുവിധത്തില്‍ ലഹരി തന്നേയാണല്ലോ...
    നഗരവും ഗ്രാമവും ചേര്‍ത്ത് അധികാരികള്‍ വിരിച്ച ഒരു വലിയ കെണി....


    സര്‍ക്കാറിന്റെ മുക്യവരുമാന മാര്‍ഗ്ഗവും അതാണല്ലോ....?

    ReplyDelete

Post a Comment

Popular posts from this blog

കച്ചവടവല്‍ക്കരിക്കപ്പെടുന്ന അവധിക്കാല ക്യാമ്പുകള്‍

അവധിക്കാലത്തെ, കാത്തിരുന്ന ഒരു കുട്ടിക്കാലം കൈവിട്ടുപോയിട്ട് നാളൊത്തിരിയായെങ്കിലും മനസ്സില്‍ ആ മധുരം മാഞ്ഞിട്ടില്ല. കമ്പ്യൂട്ടര്‍ ഗെയിമും വെക്കേഷന്‍ ക്യാമ്പുകളുമില്ലാത്ത അക്കാലത്ത് കുട്ടികള്‍ പാടത്തും പറമ്പിലും പറന്നു നടക്കുന്ന പൂമ്പാറ്റകളായിരുന്നു. മാങ്ങപറിച്ച് ഉപ്പുരുമ്മി തിന്നും പുളി എറിഞ്ഞു വീഴ്ത്തി മുളക്‌പൊടി കൂട്ടിനാവില്‍ തൊലികളഞ്ഞും പറങ്കിമാങ്ങയുടെ നീര് ചക്കര കൂട്ടി ചൂടാക്കി കടച്ചാപ്പറച്ചി മുട്ടായി ഉണ്ടാക്കിയും കുറ്റിപ്പുര കെട്ടി ചക്കരച്ചോറു വെച്ച്, വെള്ളം വറ്റിയ പാടത്ത് ഉമ്മയുടെ സാരികൊണ്ടു മറച്ച് സ്റ്റേജ് കെട്ടി കലാപരിപാടികള്‍ നടത്തിയും അര്‍മാദിച്ചു തീര്‍ന്നിരുന്നില്ല ഒരവധിക്കാലവും. കെട്ടുപന്ത് തട്ടിയും കുറ്റീംകോലും കളിച്ചും ഗോലികൊണ്ട് ചെങ്ങായിമാരെ കൈപ്പടത്തിന് സെയ് പറഞ്ഞും അടികൂടിയും ഉമ്മാന്റെ കയ്യിന്ന് അടി വാങ്ങിയും മതിവരാത്ത അവധിക്കാലങ്ങള്‍ . കുളത്തില്‍ നിന്ന് മീന്‍ പിടിച്ചും, ഇടക്കെപ്പോഴെങ്കിലും മുന്നറിയിപ്പില്ലാതെ പെയ്യുന്ന മഴയില്‍ നനഞ്ഞ് പൊതിര്‍ന്നും പെയ്തു തീരാത്ത അവധിക്കാലം. കുടുംബ വീടുകളിലേക്കുള്ള വിരുന്നു പോക്കുകള്‍ . തക്കാളിപ്പെട്ടിക്കുമുകളിലെ കൊച്ചുക

മൈലാഞ്ചി മണമുള്ള പെരുന്നാള്‍

കു ട്ടിക്കാലത്ത് പ്രതീക്ഷകള്‍ പൂവണിയുന്ന ദിവസമായിരുന്നു പെരുന്നാള്‍. പുതിയ പാന്റും കുപ്പായവും കിട്ടുന്ന ദിവസം. വയറ് നിറച്ചും നെയ്ച്ചോറും ഇറച്ചിയും പായസവും കിട്ടുന്ന ദിവസം... കുട്ടികള്‍ക്ക് തലേന്ന് രാത്രി ഉറക്കമില്ല. നേരം വെളുക്കാന്‍ കാത്തിരിക്കും എല്ലാവരും. ഇറച്ചിപ്പീടികയില്‍ ചെന്ന് കാത്തു നില്‍ക്കണം, പോത്തിറച്ചി വാങ്ങാന്‍. ടൈലര്‍ഷാപ്പില്‍ ചെന്ന് തയ്ക്കാന്‍ കൊടുത്ത ഡ്രസ്സ് വാങ്ങിക്കൊണ്ടു വരണം. വീട്ടുമുറ്റത്തെ മൈലാഞ്ചിച്ചെടിയില്‍നിന്നും ഇല പറിച്ച് അരക്കും. രാത്രി വളരെ വൈകുവോളം മൈലാഞ്ചിയിട്ടിരിക്കും. മൈലാഞ്ചി ഉണങ്ങിയ ശേഷമായിരിക്കും ഉറങ്ങുക. പൂമുഖത്ത് നിരനിരയായി കുട്ടിപ്പട്ടാളം മൈലാഞ്ചിക്കൈ തട്ടാതിരിക്കാന്‍ ശ്രദ്ധിച്ച് കിടക്കും. ചക്കയുടെ വളഞ്ഞി ചിമ്മിനി വിളക്കിനു മുകളില്‍ വെച്ച് ചൂടാക്കി, ഉരുക്കി കൈവെള്ളയില്‍ ഉറ്റിച്ച് ചെറിയ പുള്ളികള്‍ കൊണ്ട് പൂക്കള്‍ വരക്കും. കൈവെള്ളയില്‍ പൊള്ളലുകള്‍ ചീര്‍ക്കും. അതിനു മുകളില്‍ മൈലാഞ്ചിത്തണുപ്പ് വാരിത്തേക്കും. പുള്ളി കുത്തിയേടത്ത് മൈലാഞ്ചിച്ചോപ്പുണ്ടാവില്ല. ചോന്ന കയ്യില്‍ വെളുത്ത പൂക്കള്‍. അതിരാവിലെ ഉണരും, ആരും വിളിച്ചുണര്‍ത്തണ്ട. എണ്ണ തേച്ച

കുട്ടിക്കാലത്തെ അവധിക്കാലങ്ങള്‍

പുളിയച്ചാറും തേന്‍മുട്ടായിയും കു ട്ടിക്കാലം മധുരമുള്ള കുറെ ഓര്‍മകളാണ്‌. കുട്ടിക്കാലത്തെ അവധിക്കാലങ്ങള്‍... തേന്‍മുട്ടായിയുടെ മധുരം. പുളിയച്ചാറിന്റെ പുളി.. ഹായ്‌ കൂയ്‌ പൂയ്‌! എന്നും കുട്ടിയായിരുന്നെങ്കില്‍.... എല്‍ പിക്കാലത്ത്‌ ഒരു മാസമാണ്‌ അവധിക്കാലം. മാപ്പിള സ്‌കൂളായതിനാല്‍ നോമ്പുകാലത്ത്‌ സ്‌കൂള്‍ ഉണ്ടാവില്ല. ഒരു മാസക്കാലം, പക്ഷേ ആ അവധിക്കാലത്തിന്‌ ഒരു രസവുമില്ല. ആളനക്കമില്ലാത്ത ഒഴിവുകാലം. നോമ്പു പിടിക്കാതെ ഉണക്കപ്പത്തിരിയും തിന്ന്‌.... നോമ്പു പിടിക്കാന്‍ എനിക്കിഷ്ടമായിരുന്നു. ഉമ്മാനോട്‌ എത്ര പറഞ്ഞാലും പെലച്ചക്ക്‌ വിളിക്കൂല. പെലച്ചക്ക്‌ എന്തേലും ഇച്ചിരി തിന്നാതെ നോമ്പു പിടിക്കാനൊക്കൂല. അയലോക്കത്തെ പെണ്‍കുട്ടികളാണ്‌ കളിക്കൂട്ടുകാര്‍. അവര്‍ക്ക്‌ നോമ്പായിരിക്കും. അവരൊന്നും കളിക്കാന്‍ വരില്ല. ഒറ്റക്ക്‌ കളിക്കാന്‍ ഒരു രസവുമില്ല. സ്‌ളേറ്റെടുത്ത്‌ കുത്തിവരക്കും. വെറുതെ ഒച്ച വെക്കും. കുത്തിമറിയും. കച്ചറയുണ്ടാക്കും. തല്ലു മേടിക്കും. ഹല്ല പിന്നെ. ഹായ്‌ കൂയ്‌ പൂയ്‌്‌..! പിന്നെ ഒരു മാസക്കാലം ക്ലാസുണ്ടാവും. അതിനു ശേഷം ഒരു മാസം വീണ്ടും അവധി. പരീക്ഷയൊക്കെ കഴിഞ്ഞ്‌ തോറ്റു തൊപ്പിയിട്ട്‌.