Skip to main content

വൈവാഹിക ജീവിതം മാധുര്യമുള്ളതാവാന്‍

പറഞ്ഞോളൂ, കേള്‍ക്കാന്‍ എനിക്കിഷ്‌ടമാണ്‌

പരസ്‌പരം അറിയലും ഉള്‍ക്കൊള്ളലും അംഗീകരിക്കലുമാണ്‌ ദാമ്പത്യത്തെ ഊഷ്‌മളമാക്കുന്നത്‌. രണ്ടു മനസ്സുകള്‍ ഒന്നായിത്തീരുന്നതങ്ങനെയാണ്‌. പരസ്‌പരം അറിയാനും ഉള്‍ക്കൊള്ളാനും അംഗീകരിക്കാനും മറക്കുമ്പോഴാണ്‌ ജീവിതത്തില്‍ പൊട്ടലും ചീറ്റലുമുണ്ടാവുന്നത്‌. ശാരീരിക വികാരങ്ങള്‍ക്കൊപ്പം മാനസിക വികാരവിചാരങ്ങളും കൈമാറ്റം ചെയ്യപ്പെടുമ്പോഴാണ്‌ സ്‌നേഹം ഉരുകിയൊലിക്കുന്നത്‌. 
എന്നാല്‍ തിരക്കുപിടിച്ച വര്‍ത്തമാന സമൂഹത്തില്‍ ഒന്നിച്ചിരിക്കാനും ഒന്നായിത്തീരാനുമുള്ള അവസരങ്ങളും സാഹചര്യങ്ങളും ഇല്ലാതായിക്കൊണ്ടിരിക്കുന്നു. അതുകൊണ്ടു തന്നെ ദാമ്പത്യ- കുടുംബ ബന്ധങ്ങള്‍ ശിഥിലമായിക്കൊണ്ടിരിക്കുകയും വിവാഹമോചനങ്ങള്‍ വാര്‍ത്തയല്ലാതായിത്തീരുകയും ചെയ്യുന്നു.

തുടര്‍ന്നു വായിക്കാന്‍.. ഇവിടെ ക്ലിക്കുക.

Comments

  1. പറഞ്ഞോളൂ കേള്‍ക്കാനെനിക്കിഷ്‌ടമാണെന്ന്‌ പറയാന്‍ നമ്മിലെത്ര പേര്‍ക്കാവും. പറയുന്നതില്‍ കൂടുതല്‍ കേള്‍ക്കാന്‍ നാമൊരുക്കമാണോ, ജീവിതത്തില്‍ ശാന്തിയും സമാധാനവും പെയ്‌തിറങ്ങും.

    ReplyDelete
  2. നന്നായി. കല്യാണം കഴിയട്ടെ

    ReplyDelete
  3. السلام عليكم ورحمة الله وبركاته

    معذرة لا أعرف غير لغتي الأم ولكن أحببت أن ألقي عليكم تحية الإسلام

    وأنا من مكة بلد قبلة المسلمين

    وأتمنى لكم التوفيق

    ReplyDelete
  4. islahi bloggersല്‍ വന്ന ചില കമന്റുകള്‍.


    # Noushad Vadakkel says:
    2010, മേയ് 2 1:31:00 pm

    തിരക്കേറിയ ജീവിതത്തില്‍ ഇണകള്‍ മറക്കുന്ന ,ശ്രദ്ധിക്കാത്ത ചില കാര്യങ്ങള്‍ മുക്താര്‍ വിശ്വാസികള്‍ക്ക് വേണ്ടി പങ്കു വെക്കുന്നു . അഭിനന്ദനീയം .ഇനിയും പ്രതീക്ഷിക്കുന്നു .... :)


    # ഒരു നുറുങ്ങ് says:
    2010, മേയ് 2 1:44:00 pm

    കേട്ടുകൊണ്ടിരിക്കുന്ന സാരോപദേശങ്ങള്‍ സ്വജീവിതത്തില്‍
    പകരത്താനായെങ്കില്‍.....


    # jayanEvoor says:
    2010, മേയ് 2 2:22:00 pm

    അതെ.
    എഗ്രീ വിത്ത് ഒരു നുറുങ്ങ്.
    പറയാനെളുപ്പം.
    ആശംസകൾ!


    # xtream says:
    2010, മേയ് 2 2:23:00 pm

    മുക്തരെ , ഇത്രയും ഹദീസുകളില്‍ പറഞ്ഞ യോഗ്യത ഉള്ള / യോഗ്യതയോടെ ജീവിക്കാന്‍ തയ്യാറുള്ള ഏതെങ്കിലും യുവതി ഉണ്ടെങ്കില്‍ പറയ്‌
    എനിക്ക് വിവാഹം കൈക്കാന്‍ ആഗ്രഹം ഉണ്ട്


    # ഹംസ says:
    2010, മേയ് 2 7:56:00 pm

    ഉപകാരമുള്ള പോസ്റ്റു തന്നെ !! പക്ഷെ നടപ്പില്‍ വരുത്താനാ പാട്. !!ഇതു പോലെ ജീവിക്കുന്ന എത്ര ഭാര്യഭര്‍ത്താക്കന്മാരെ കാണാന്‍ കഴിയും ന്നമുക്ക് ?


    # Naseef U Areacode says:
    2010, മേയ് 2 8:00:00 pm

    വളരെ ശരി മുക്താര്‍ ഭായ് ....
    ആണും പെണ്ണും ചേര്‍ന്ന് ,അതായത് രണ്ടു മനസ്സുകള്‍ ചേര്‍ന്ന ഒന്നാവുമ്പോള്‍ അതൊരു ഇമ്മിണി ബാല്യ ഒന്ന് തന്നെ ആവുന്നു... നാരീശ്വരന്‍ എന്നപോലെ.
    അത് പോലെ നല്ല ഒരു കേള്‍വിക്കാരന്‍ ആവുന്നത് ദാമ്പത്യ ജീവിതതില് മാത്രമല്ല, മൊത്തത്തില്‍ തന്നെ ഗുണം ചെയ്യും
    ( കല്യാണം കഴിക്കാത്തത് കൊണ്ട് ധൈരമായി പറയുന്നു , എല്ലാവരും ഇങ്ങനെ ഒക്കെ ആകണം എന്ന്.)


    # ഇസ്മായില്‍ കുറുമ്പടി ( തണല്‍) says:
    2010, മേയ് 3 12:32:00 am

    നിങ്ങള്‍ എത്ര തിരഞ്ഞാലും കണ്ടെത്താന്‍ കഴിയാത്ത എന്തോ ഒന്നിലാണ് ദാമ്പത്യത്തിന്റെ വിജയം കുടികൊള്ളുന്നത്.(ഇംഗ്ലീഷ് പഴമൊഴി)


    # സിദ്ധീക്ക് തൊഴിയൂര്‍ says:
    2010, മേയ് 3 2:37:00 am

    ദാമ്പത്യം അതൊരു ഞാണിന്മേല്‍ കളിയാണ് മാഷേ ..


    # വഷളന്‍ | Vashalan says:
    2010, മേയ് 3 8:46:00 am

    ഇതൊക്കെ കുറെക്കാലം മുമ്പേ പോസ്റ്റ്‌ ചെയ്യാന്‍ മേലായിരുന്നോ? കല്യാണം കഴിഞ്ഞു രണ്ടു പുള്ളാരും ആയി.


    # Sapna Anu B.George says:
    2010, മേയ് 3 9:44:00 am

    ഇവിടെ കണ്ടതിലും, പരിചയപ്പെട്ടതിലും വായിച്ചതിലും സന്തൊഷം


    # the man to walk with says:
    2010, മേയ് 3 4:36:00 pm

    vaayichu..
    best wishes


    # MT Manaf says:
    2010, മേയ് 9 11:36:00 am

    സ്വത്തും സൌന്ദര്യവും നിഴലുകള്‍,
    നീങ്ങിപ്പോകുന്നവ...
    മനസ്സു നന്നായാല്‍, സ്നേഹം വിളമ്പിയാല്‍
    കാഴ്ചപ്പാടുകള്‍ ശരിയായാല്‍
    എല്ലാം ശുഭം, മധുരതരം !


    # പള്ളിക്കരയില്‍ says:
    2010, മേയ് 10 9:12:00 am

    നന്മയെ ഉദ്ദീപിപ്പിക്കുന്ന പോസ്റ്റ്. ആദ്യമായാണ് ഈ ബ്ലോഗിലെത്തുന്നത്. സമാനവീക്ഷണത്തിലുള്ള എന്റെ ഒരു പോസ്റ്റിന്റെ ലിങ്ക് നൽകുന്നു. സന്ദർശിക്കുമല്ലോ. http://ozhiv.blogspot.com/2008/07/blog-post.html

    ReplyDelete
  5. വായിച്ചിട്ടില്ല.
    സ്വൌകര്യം പോലെ വന്ന് വായിക്കാം.
    അതിലെ ഉള്ളടക്കം ഊഹിച്ച് കൊണ്ട് പറയട്ടെ.

    25 കൊല്ലായിട്ട് കാര്യമായ ഒരു കൈപ്പും ജീവിതത്തില്‍ ഉണ്ടായിട്ടില്ല. (അല്‍ഹംദുലില്ലാ)
    നന്ദി.

    ReplyDelete
  6. വായിചു, നന്നായിട്ടുണ്ട്,ദന്‍പതികള്‍ വിട്ടുവീഴ്ചയുള്ളവരാകട്ടെ, പോസറ്റിവായി ചിന്തിക്കുന്നവരും.

    ReplyDelete

Post a Comment

Popular posts from this blog

കച്ചവടവല്‍ക്കരിക്കപ്പെടുന്ന അവധിക്കാല ക്യാമ്പുകള്‍

അവധിക്കാലത്തെ, കാത്തിരുന്ന ഒരു കുട്ടിക്കാലം കൈവിട്ടുപോയിട്ട് നാളൊത്തിരിയായെങ്കിലും മനസ്സില്‍ ആ മധുരം മാഞ്ഞിട്ടില്ല. കമ്പ്യൂട്ടര്‍ ഗെയിമും വെക്കേഷന്‍ ക്യാമ്പുകളുമില്ലാത്ത അക്കാലത്ത് കുട്ടികള്‍ പാടത്തും പറമ്പിലും പറന്നു നടക്കുന്ന പൂമ്പാറ്റകളായിരുന്നു. മാങ്ങപറിച്ച് ഉപ്പുരുമ്മി തിന്നും പുളി എറിഞ്ഞു വീഴ്ത്തി മുളക്‌പൊടി കൂട്ടിനാവില്‍ തൊലികളഞ്ഞും പറങ്കിമാങ്ങയുടെ നീര് ചക്കര കൂട്ടി ചൂടാക്കി കടച്ചാപ്പറച്ചി മുട്ടായി ഉണ്ടാക്കിയും കുറ്റിപ്പുര കെട്ടി ചക്കരച്ചോറു വെച്ച്, വെള്ളം വറ്റിയ പാടത്ത് ഉമ്മയുടെ സാരികൊണ്ടു മറച്ച് സ്റ്റേജ് കെട്ടി കലാപരിപാടികള്‍ നടത്തിയും അര്‍മാദിച്ചു തീര്‍ന്നിരുന്നില്ല ഒരവധിക്കാലവും. കെട്ടുപന്ത് തട്ടിയും കുറ്റീംകോലും കളിച്ചും ഗോലികൊണ്ട് ചെങ്ങായിമാരെ കൈപ്പടത്തിന് സെയ് പറഞ്ഞും അടികൂടിയും ഉമ്മാന്റെ കയ്യിന്ന് അടി വാങ്ങിയും മതിവരാത്ത അവധിക്കാലങ്ങള്‍ . കുളത്തില്‍ നിന്ന് മീന്‍ പിടിച്ചും, ഇടക്കെപ്പോഴെങ്കിലും മുന്നറിയിപ്പില്ലാതെ പെയ്യുന്ന മഴയില്‍ നനഞ്ഞ് പൊതിര്‍ന്നും പെയ്തു തീരാത്ത അവധിക്കാലം. കുടുംബ വീടുകളിലേക്കുള്ള വിരുന്നു പോക്കുകള്‍ . തക്കാളിപ്പെട്ടിക്കുമുകളിലെ കൊച്ചുക

മൈലാഞ്ചി മണമുള്ള പെരുന്നാള്‍

കു ട്ടിക്കാലത്ത് പ്രതീക്ഷകള്‍ പൂവണിയുന്ന ദിവസമായിരുന്നു പെരുന്നാള്‍. പുതിയ പാന്റും കുപ്പായവും കിട്ടുന്ന ദിവസം. വയറ് നിറച്ചും നെയ്ച്ചോറും ഇറച്ചിയും പായസവും കിട്ടുന്ന ദിവസം... കുട്ടികള്‍ക്ക് തലേന്ന് രാത്രി ഉറക്കമില്ല. നേരം വെളുക്കാന്‍ കാത്തിരിക്കും എല്ലാവരും. ഇറച്ചിപ്പീടികയില്‍ ചെന്ന് കാത്തു നില്‍ക്കണം, പോത്തിറച്ചി വാങ്ങാന്‍. ടൈലര്‍ഷാപ്പില്‍ ചെന്ന് തയ്ക്കാന്‍ കൊടുത്ത ഡ്രസ്സ് വാങ്ങിക്കൊണ്ടു വരണം. വീട്ടുമുറ്റത്തെ മൈലാഞ്ചിച്ചെടിയില്‍നിന്നും ഇല പറിച്ച് അരക്കും. രാത്രി വളരെ വൈകുവോളം മൈലാഞ്ചിയിട്ടിരിക്കും. മൈലാഞ്ചി ഉണങ്ങിയ ശേഷമായിരിക്കും ഉറങ്ങുക. പൂമുഖത്ത് നിരനിരയായി കുട്ടിപ്പട്ടാളം മൈലാഞ്ചിക്കൈ തട്ടാതിരിക്കാന്‍ ശ്രദ്ധിച്ച് കിടക്കും. ചക്കയുടെ വളഞ്ഞി ചിമ്മിനി വിളക്കിനു മുകളില്‍ വെച്ച് ചൂടാക്കി, ഉരുക്കി കൈവെള്ളയില്‍ ഉറ്റിച്ച് ചെറിയ പുള്ളികള്‍ കൊണ്ട് പൂക്കള്‍ വരക്കും. കൈവെള്ളയില്‍ പൊള്ളലുകള്‍ ചീര്‍ക്കും. അതിനു മുകളില്‍ മൈലാഞ്ചിത്തണുപ്പ് വാരിത്തേക്കും. പുള്ളി കുത്തിയേടത്ത് മൈലാഞ്ചിച്ചോപ്പുണ്ടാവില്ല. ചോന്ന കയ്യില്‍ വെളുത്ത പൂക്കള്‍. അതിരാവിലെ ഉണരും, ആരും വിളിച്ചുണര്‍ത്തണ്ട. എണ്ണ തേച്ച

കുട്ടിക്കാലത്തെ അവധിക്കാലങ്ങള്‍

പുളിയച്ചാറും തേന്‍മുട്ടായിയും കു ട്ടിക്കാലം മധുരമുള്ള കുറെ ഓര്‍മകളാണ്‌. കുട്ടിക്കാലത്തെ അവധിക്കാലങ്ങള്‍... തേന്‍മുട്ടായിയുടെ മധുരം. പുളിയച്ചാറിന്റെ പുളി.. ഹായ്‌ കൂയ്‌ പൂയ്‌! എന്നും കുട്ടിയായിരുന്നെങ്കില്‍.... എല്‍ പിക്കാലത്ത്‌ ഒരു മാസമാണ്‌ അവധിക്കാലം. മാപ്പിള സ്‌കൂളായതിനാല്‍ നോമ്പുകാലത്ത്‌ സ്‌കൂള്‍ ഉണ്ടാവില്ല. ഒരു മാസക്കാലം, പക്ഷേ ആ അവധിക്കാലത്തിന്‌ ഒരു രസവുമില്ല. ആളനക്കമില്ലാത്ത ഒഴിവുകാലം. നോമ്പു പിടിക്കാതെ ഉണക്കപ്പത്തിരിയും തിന്ന്‌.... നോമ്പു പിടിക്കാന്‍ എനിക്കിഷ്ടമായിരുന്നു. ഉമ്മാനോട്‌ എത്ര പറഞ്ഞാലും പെലച്ചക്ക്‌ വിളിക്കൂല. പെലച്ചക്ക്‌ എന്തേലും ഇച്ചിരി തിന്നാതെ നോമ്പു പിടിക്കാനൊക്കൂല. അയലോക്കത്തെ പെണ്‍കുട്ടികളാണ്‌ കളിക്കൂട്ടുകാര്‍. അവര്‍ക്ക്‌ നോമ്പായിരിക്കും. അവരൊന്നും കളിക്കാന്‍ വരില്ല. ഒറ്റക്ക്‌ കളിക്കാന്‍ ഒരു രസവുമില്ല. സ്‌ളേറ്റെടുത്ത്‌ കുത്തിവരക്കും. വെറുതെ ഒച്ച വെക്കും. കുത്തിമറിയും. കച്ചറയുണ്ടാക്കും. തല്ലു മേടിക്കും. ഹല്ല പിന്നെ. ഹായ്‌ കൂയ്‌ പൂയ്‌്‌..! പിന്നെ ഒരു മാസക്കാലം ക്ലാസുണ്ടാവും. അതിനു ശേഷം ഒരു മാസം വീണ്ടും അവധി. പരീക്ഷയൊക്കെ കഴിഞ്ഞ്‌ തോറ്റു തൊപ്പിയിട്ട്‌.